IGF imeanzishwa ili kuwezesha kutatua changamoto hizi na kutoa msukumo unaohitajika kwa biashara kukua, kupanuka, na kufikia fursa mpya za maendeleo.

Biashara ndogo na za kati zina mchango mkubwa katika uchumi wa tafaita, lakini bado zinakabiliwa na vikwazo vinavyozuia ukuaji wake, hususan:

• Ukosefu wa dhamana na changamoto ya kupata mikopo.
• Rekodi na mifumo dhaifu ya fedha.
• Kutazamwa na taasisi za fedha kama biashara zenye kiwango cha juu cha hatari katika kukopesheka.
• Upatikanaji mdogo wa huduma za fedha zinazokidhi mahitaji ya biashara.

Kupitia IGF, wafanyabiashara wadogo na wa kati watakaokidhi vigezo watawezeshwa:

• Kupata ruzuku isiyo rejeshwa kwa ajili ya kusaidia ukuaji wa biashara.
• Kuimarisha uwezo wa biashara ili kuboresha uendeshaji na usimamizi.
• Kuwekeza katika suluhisho zinazozingatia mabadiliko ya tabianchi na maendeleo endelevu.
• Kuboresha uwezo wa biashara kujiandaa kwa kupata ufadhili na kuongeza sifa zake za kuaminika kwa taasisi za fedha.
• Njia za kupata ufadhili wa ziada baada ya muda wa ruzuku.

Kupata huduma ya kuendeleza biashara, mafunzo ya kujiandaa kupata mikopo, pamoja na kuunganishwa na taasisi za fedha ili waweze kupata mikopo na ufadhili mwingine wa biashara katika hatua zinazofuata.

Impact Grant Fund (IGF) inatoa kipaumbele kwa biashara zinazofanya kazi katika sekta zinazochochea ukuaji
jumuishi, endelevu na unaostahimili athari za mabadiliko ya tabianchi, zikiwemo:

• Kilimo kinachozingatia mabadiliko ya tabianchi na kilimo mseto
• Uchumi mzunguko na utunzaji wa mazingira
• Uvuvi na ufugaji wa samaki endelevu, na uhifadhi wa rasilimali za bahari
• Urejeshaji wa bayoanuwai na mifumo ya kiikolojia
• Mnyororo baridi wa kuhifadhi na kusafirisha chakula
• Suluhisho bunifu na za kidijitali zinazowezesha kuhimili na kukabiliana na mabadiliko ya tabianchi
• Nishati mbadala na teknolojia safi

Mfuko huu unalenga kuchochea ukuaji wa wafanyabiashara wadogo na wa kati, kwa ujumuishi wa watu wote, unaostahimili athari za mabadiliko ya tabianchi, na wenye matokeo endelevu kupitia maeneo matano muhimu:

• Ukuaji na Ubunifu wa Biashara: Kuwezesha biashara kupanuka, kuleta ubunifu, na kuimarisha mifumo yao ya uendeshaji.
• Utengenezaji wa Ajira na Ukuaji wa Kipato: Kuchochea fursa za ajira endelevu katika sekta mbalimbali.
• Uwezeshaji wa Wanawake na Vijana: Kuendeleza biashara zinazoongozwa na wanawake na vijana na kupunguza ukosefu wa usawa wa kimuundo.
• Kulinda Mazingira na Kukabiliana na Mabadiliko ya Tabianchi: Kuhamasisha biashara kutumia mbinu na teknolojia zinazolinda mazingira na kustahimili athari za mabadiliko ya tabianchi.
• Kuwezesha Upatikanaji wa Fedha: Kutumia ruzuku isiyorejeshwa kama kichocheo cha kuvutia mitaji na ufadhili zaidi kutoka sekta binafsi,

IGF inalenga biashara ndogo na za kati zenye uwezo mkubwa wa kukua Tanzania Bara na Zanzibar, hasa zile ambazo:

• Zinazolenga ukuaji na zinauwezo wa kukua na kujiendesha
• Zinaonyesha ubunifu na uwezo wa kuleta matokeo chanya katika jamii na kuboresha uchumi 
• Zinamilikiwa, zinaongozwa, au zinawanufaisha wanawake na vijana
• Zinafanya kazi katika sekta zinazozingatia mazingira na kukabiliana na mabadiliko ya tabianchi, au zinatumia mbinu hizo katika shughuli zao za biashara

Ili kukidi vigezo vya kupata ruzuku hii, waombaji wanapaswa kuwa na vitu vifuatavyo:

• Biashara ndogo, au ya kati iliyosajiliwa na inayofanya shughuli zake Tanzania Bara au Zanzibar.
• Biashara inayofanya vizuri, yenye uwezo wa kukua na kupanuka zaidi.
• Shughuli zinazojikita angalau sekta moja ya kipaumbele inayoungwa mkono na mfuko.
• Dhamira ya kuchangia utengenezaji ajira, hasa kwa vijana na wanawake.
• Kumilikiwa au kuongozwa na wanawake (angalau asilimia 51 ya umiliki) au vijana wenye umri wa miaka 18 hadi 35.
• Kuonyesha uwezo wa kuchangia uhifadhi wa mazingira na kukabiliana na athari za mabadiliko ya tabianchi.
• Kuwa tayari kushiriki katika mafunzo, ushauri na programu za kuimarisha uwezo wa biashara.
• Utayari wa kutumia ruzuku isiyo rejeshwa kwa ufanisi ili kukuza biashara.
• Uwezekano wa kupata mikopo au ufadhili mwingine wa biashara baada ya kupokea ruzuku.

Kipaumbele

Biashara zinazoongozwa na wanawake na vijana zitapewa kipaumbele katika mchakato wa uteuzi ili kuhakikisha makundi haya yanapata fursa zaidi za kushiriki na kunufaika na programu.

• Kutakuwa na awamu tatu za kupokea maombi ili kutoa fursa kwa biashara nyingi zaidi kushiriki na kuhakikisha maombi yanayowasilishwa
  yanakuwa ya ubora wa hali ya juu.
• Kila awamu ya maombi itakuwa wazi kwa muda wa wiki mbili, ili kuwapa waombaji muda wa kutosha kuwasilisha maombi yao.

Maombi yote yatapitia mchakato ufuatao:

• Yatawasilishwa kupitia mfumo wa maombi wa mtandaoni.
• Mwombaji atapokea uthibitisho wa kupokea ombi lake mara tu baada ya kuliwasilisha.
• Yatakaguliwa kwanza ili kuhakikisha taarifa na nyaraka zote muhimu zimewasilishwa na kwamba mwombaji anakidhi vigezo vya kustahili kabla ya kupelekwa katika hatua ya tathmini. 

Kuchangia Vipaumbele vya Kitaifa na Kimataifa IGF inatekelezwa kuunga mkono malengo muhimu ya maendeleo ya kitaifa na kimataifa, ikiwemo: 

• Awamu ya Tatu ya Mwongozo wa Kitaifa wa Ujumuishaji wa Huduma za Fedha (NFIF III)
• Mwongozo wa Kitaifa wa Fedha kwa Biashara Ndogo, Ndogo za Kati na za Kati (MSMEs)
• Mpango Mkuu wa Maendeleo ya Sekta ya Fedha (Financial Sector Master Plan).

Kwa kuwa ni mpango unaoungwa mkono na Umoja wa Ulaya (EU), IGF pia inachangia katika kufikia malengo
yafuatayo:

• Ukuaji wa uchumi unaowanufaisha watu wote kwa usawa.
• Ushirikishwaji na usawa wa fursa kwa wote.
• Hatua za kukabiliana na mabadiliko ya tabianchi na kuimarisha ustahimilivu.

Mafanikio ya IGF yatapimwa kupitia:

• Ukuaji na uendelevu wa biashara.
• Ongezeko la ajira.
• Ushirikishwaji wa makundi yenye fursa chache.
• Uwekezaji unaozingatia mazingira na kustahimili mabadiliko ya tabianchi.
• Upatikanaji wa mikopo na ufadhili mwingine baada ya msaada wa IGF.

Kwa maelezo zaidi kuhusu Impact Grant Fund (IGF) na Maswali Ya Mara kwa Mara (FAQs) Jusajili kupakua kipeperushi hapo chini.